HOT NEWS :ANGALIA KICHANGA CHA MIEZI NANE NA CHATUPWA CHOONI MTAA WA SIMIKE MKOANI MBEYA

Huyu ndio mtoto aliyekutwa ametupwa chooni mtaa wa simike  mkoani mbeya

 shuhuda watukio akingea na vyombo vya habari

wananchi wa mtaa wa simike wakishuhudia tukio lilitokea

Jeshi la polisi kikitoa kichanga kwenye tundu la chooo

Muonekano wa kichanga kikiwa ndani ya chooo kabla hakijatolewa

 Jeshi la polisi likiwa  katika tukio

mwenyekiti wa mtaa wa senjele( simike)ELIEZA NTINDI akiongea na vyombo vya habari

 Tundu la choo kilipotupwa kichanga

 Jeshi la polisi likiwa kazini

 Moja ya askari  akiwa amebeba kichanga kwenye mfuko wa lambo

Na Samwel Ndoni Mbeya,

VITENDO vya kikatili dhidi ya watoto mkoani Mbeya vimezidi kushika kasi licha ya serikali na mashirika mbalimbali kukemea vitendo hivyo, kufuatia mwanamke mmoja asiyefahamika jina wala makazi yake kudaiwa kutupa kichanga  chooni baada ya kuharibu ujauzito wake.

Tukio hilo limetokea juzi majira ya saa 07;20  mtaa wa Simike kata ya Mabatini jijini Mbeya ambapo kichanga hicho kinachokadiriwa kuwa na miezi saba hadi tisa tumboni, kiligunduliwa na mmiliki wa choo hicho Andrew Janco alipokuwa akioga.

Akizungumza na Tanzania Daima Janco alisema kuwa alipomaliza kuoga alishangaa kuona maji hayapiti kwenye bomba la choo chake ambacho ni cha maji ndipo alipochukua mti na kuanza kusukuma huku akihisi kuwa ni nguo imezuia maji yasipite.

Hata hivyo alisema kuwa baada ya kusukuma kwa muda mrefu alizunguka nyuma ya choo na kukikuta kichanga hicho kikiwa kimekufa ndipo alipotoa taarifa kwa majirani.

‘’nilipomaliza kuoga nikahoji kwa nini maji hayatoki nikajua mke wangu ametupa nguo nikasukuma mpaka mwisho kwenye shimo na nilipozunguka nyuma ya choo nikakuta mtoto amekufa nikatoa taarifa isingekuwa misumali niliyopigilia kuzuia bomba lisianguke nisingetambua kama kuna mtoto’’ alisema.

Mjumbe wa serikali ya mtaa huo Monica Mtega alisema kuwa baada ya kupata taarifa hizo alimtaarifu mwenyekiti wa mtaa ambaye hata hivyo alifika eneo la tukio na kutoa taarifa kituo kidogo cha polisi Meta.

Kwa upande wake mwenyekiti wa mtaa huo Elieza Ntindi amethibitisha kutokea kwa tukio hilo ambapo alisema kuwa ameshtusha na tukio hilo kwa kuwa ni la kwanza kutokea mtaani kwake.

Alisema kuwa baada ya kupata habari hizo alitoa taarifa polisi huku akibainisha kuwa mpaka sasa mke wa mmiliki wa choo hicho anamuhisi mfanyakazi  wake ambaye alikuwa akimchotea maji ya kujengea nyumba ambapo inadaiwa kuwa siku chache kabla ya tukio hilo alipelekwa hospitali baada ya kutokwa damu sehemu za siri ambaye hata hivyo anashikiliwa na polisi kwa mahojiano.

Kutokana na tukio hilo Ntindi, aliwaasa wasichana na wanawake kwa ujumla kuacha tabia hiyo ya kuwatupa watoto kwani ni dhambi kwa mwenyezi Mungu na Kinyume cha sheria za nchi