VICENTE DEL BOSQUE KUIBADILI SPAIN DHIDI YA CHILE!

 PIQUE, SILVA HUENDA KUPIGWA BENCHI!!

Kocha wa Spain Vicente del Bosque ametoboa kuwa Kikosi chake sasa kimeshaishinda huzuni ya kubamizwa Bao 5-1 na Holland katika Mechi yao ya Kwanza ya Kundi B la Fainali ya Kombe la Dunia huko Brazil na sasa wako tayari kuifunga Chile.

Baada ya Mechi hiyo na Holland, Del Bosque alishindwa kuelezea nini kiliwafungisha huku Kiungo wake Xavi Hernandez akikiri hicho kilikuwa kipigo kibaya mno katika maisha yake ya Soka.

Del Bosque ameeleza kuwa muda umewasaidia kuwaponyesha machungu ya kufungwa na sasa wako tayari kuzichapa Chile na Australia.

Amesema: “Kila Mtu anajua tunao uwezo wa kugeuza matokeo.”

KUNDI B
TIMU	P	W	D	L	F	A	GD	PTS
Netherlands	1	1	0	0	5	1	4	3
Chile	1	1	0	0	3	1	2	3
Australia	1	0	0	1	1	3	-2	0
Spain	1	0	0	1	1	5	-4	0

Akikataa kulaumu Mchezaji wake yeyote kwa kwa kufungwa Del Bosque amedokeza huenda akabadilisha Wachezaji Watatu kwenye Mechi na Chile.

Hata hivyo, Kipa na Nahodha Iker Casillas anatarajiwa kubaki langoni licha ya yeye mwenyewe kukiri alifungisha Siku na Holland huku Wachambuzi wakimbebesha Goli 2 kati ya 5 kuwa ni makosa yake.

Wasaidizi wa Casillas ni David de Gea wa Manchester United, ambae hawezi kucheza baada kuumia Mazoezini, na Pepe Reina wa Liverpool.

Wachezaji ambao hawakucheza Mechi na Holland na ambao wanaweza kucheza Mechi na Chile ni pamoja na Javi Martinez, anaeweza kumbadili Gerard Pique alieboronga vibaya Mechi na Holland, na Pedro badala ya David Silva wa Manchester City.

KOMBE LA DUNIA

Ratiba:

**Saa za Bongo

JUMATANO, JUNI 18, 2014
SAA	MECHI	KUNDI	UWANJA
1900	Australia v Netherlands	B	Estadio Beira-Rio
2200	Spain v Chile	B	Estadio do Maracanã
0100	Cameroon v Croatia	A	Arena Amazonia