KOMBE LA DUNIA: ENGLAND v URUGUAY NI GEMU YA 'KUFA AU KUPONA'

 URUGUAY WAJIZATITI SUAREZ NDANI,           ENGLAND ‘YAMFUA’ ROONEY KIPEKEE!

GEMU ya Uruguay na England Siku ya Alhamisi ni Gemu ya ‘Kufa au Kupona’ kwa mujibu wa Nahodha wa Uruguay Diego Lugano.

Timu hizo zinakutana huko Sao Paulo zote zikisaka Pointi zao za kwanza toka Kundi D la Fainali ya Kombe la Dunia huko Brazil baada ya kufungwa kwenye Mechi zao za kwanza.

Kwenye Mechi za Kwanza, Uruguay ilichapwa 3-1 na Costa Rica na England kufungwa 2-1 na Italy.

KUNDI D
TIMU	P	W	D	L	F	A	GD	PTS
Costa Rica	1	1	0	0	3	1	2	3
Italy	1	1	0	0	2	1	1	3
England	1	0	0	1	1	2	-1	0
Uruguay	1	0	0	1	1	3	-2	0

Diego Lugano, mwenye Miaka 33, ameeleza: “Tuko pamoja kitimu. Imani yetu ipo pale pale. Hatuwezi kuchanganyikiwa!”

Lugano, ambae anaitambua vyema England baada ya kuichezea West Bromwich Albion, amesema: “Wachezaji wa England ni wepesi na wenye nguvu. Hilo linataka Mabeki wafanye kazi ya ziada.”

Straika wa Uruguay anaechezea Liverpool, Luis Suarez, ambae hakucheza Mechi na Costa Rica akiwa anajiuguza Goti lake, anatarajiwa kucheza Mechi hii na England.

Lugano amesema: “Tunategemea Luis atacheza lakini kama hakucheza ni juu yetu! ”

Nae Kocha wa Uruguay, Oscar Tabarez, amesema: “England hawakuwa na bahati na Italy. Hii ni Gemu ngumu lakini si kwamba haiwezekani! ".

TOKA KAMBI ya England zipo taarifa kuwa Straika wao Wayne Rooney amekuwa akitayarishwa kwa Mechi hii kwa Mazoezi ya kipekee ya kumfua awe fiti zaidi  na pia kumzidishia ustadi wa kupiga Mashuti Golini.

KOMBE LA DUNIA

Ratiba:

**Saa za Bongo

ALHAMISI, JUNI 19, 2014
SAA	MECHI	KUNDI	UWANJA
1900	Colombia v Ivory Coast	C	Nacional
2200	Uruguay v England	D	Arena Corinthians
0100	Japan v Greece	C	Estadio das Dunas