WAZAZI WA MKOAWA KATAVI WAASWA KUWA NA UCHUNGU WA ELIMU

 

 

Watoto wa Shule ya Msingi Kanindi na Shule ya Msingi Majimoto Tarafa ya Mamba  Wilaya ya Mlele Mkoani Katavi Wakati wa maandamano kusherehekea siku ya mtoto wa Afrika  yaliyofanyika kijiji cha Majimoto wilayani mlele Mkoani Katavi huku wakiwa wamebeba mabango yenye ujumbe mbalimbali kupinga ukatili dhidi ya watoto.

………………………………………………………………………………..

Mkuu wa Mkoa wa Katavi Dkt Rajabu Rutengwe amewaasa wazazi Mkoani katavi  kuwa na uchungu wa elimu ili kuleta chachu ya  mabadiliko katika jamii. .Dkt Rutengwe alitoa ushauri huo katika hotuba yake iliyosomwa kwa niaba yake na Mkuu wa Wilaya ya Mlele Kanali Ngemela Lubinga  kwenye sherehe za maazimsho ya siku ya mtoto wa Afrika mazimisho  yaliyoazimishwa kwenye Kijiji cha Majimoto Kata ya Maji moto Wilayani Mlele kimkoa. Amewashauri wazazi  kuwathamini, kuwalinde na kutowatendea ukatili wa aina yeyote watoto kwani  kuwatendea ukatili ni kosa kisheria
   Akifafanunua zaidi Dkt Rutengwe alisema wazazi lazima waone uchungu wa kusomesha watoto,  wawe na uchungu wa kujitoa kuwapa haki ya elimu, haki ya kulindwa na kuthamini  hivyo wazazi lazima wajitoe katika kuchangia elimu ya watoto wao kwani kwa kufanya hivyo watakuwa wamewatendea haki watoto.
 Iwapo watafanya hivyo watoto watapata elimu inayositahili  na ni haki yao ya kumsingi kuwasomesha watoto huwezi kuzaa mtoto usimpatie elimu utakuwa hujamtendea haki. .Akaongeza kuwa  wazazi lazima wawe makini katika kuwasimamia watoto, kuwalinda kuwatunza na kuwathamini na hiyo ni  haki ya mtoto, na kuongeza kuwa watoto nao wanao wajibu wa kuwaheshimu wazazi na wale wote wanaowazidi  nao  ni wajibu huo pia. Awali Katibu Tawala wa Mkoa wa Katavi Mhandisi Emmanuel Kalobelo akiongea katika mazimisho hayo alieleza kuwa   sehemu kubwa ya watu katika mkoa wa Katavi  ni watoto na vijana.
 Mhandisi Kalobelo akaongeza kuwa kwa mjibu wa sensa ya watu na makazi ya mwaka 2012   takwimu zinaonesha kuwa katika Mkoa wa Katavi  yenye  idadi ya watu wapatao 564,000  kati yao  watoto wa kuanzia umri wa miaka 0 hadi miaka 14 wapo 280,000 na vijana kuanzia umri wa miaka 15 hadi 35 wapi 180,000 hali inayoonesha kuwa watoto na vjiana wapo asilimia 83. “Kutokana  na hali hiyo wanakatavi wasipopata elimu tutakuwa tumekosa kuwatendea haki watoto wetu”alisema Mhandisi Kalobelo. Akasema kuwa haki ya mtoto ni kupendwa,kusomeshwa na kupata elimu bila vikwazo pia nao watoto wana wajibu wa kuwa na heshima na kusoma kwa bidii. Akawaasa waache uvivu wasome kwa bidii ili baadae waje kuwa viongozi wa kuongoza kuanzia kwenye Kijiji,Kata,Tarafa Wilaya Mkoa na Taifa kwa ujumla yote hayo yatapatikana kwa kusoma kwa bidii na kupata elimu. Kwa upande wao watoto katika risala yao  walieleza ukatili wanaofanyia maeneo mbalimbali kuwani  pamoja na  kunyanyaswa, kunyimwa haki ya elimu,chakula, kupigwa, ajira kwa watoto,kuozeshwa wakiwa na umri mdogo,kuozwa, pamoja na mateso ya kila aina, ambapo takwimu zinaonesha kuwa  akina mama waongoza kwa kuwafanyia watoto hasa majumbani” Kauli mbiu ya mwaka huu ni kupta elimu bora na isiyo na vikwazo ni haki ya kila mtoto”.

 Na Kibada Kibada –Katavi