ANTONIO VALENCIA ASAINI MKATABA MPYA MAN UNITED!

 

WINGA wa Manchester United Antonio Valencia amesaini Mkataba mpya wa Miaka 3 na Klabu yake hiyo.

Mkataba huo kwa Valencia, Raia wa Ecuador mwenye Miaka 28 ambae alihamia Man United Mwaka 2009 kutokea Wigan, una Kipengele cha Nyongeza ya Mwaka mmoja ukimalizika na hivyo anaweza kubakia Old Trafford hadi 2018.

Wakitangaza habari hizi, Meneja Msaidizi Ryan Giggs, alisema: “Nimefurahi ameongeza muda!”

Nae Valencia alisema: “Nimefurahi sana kusaini Dili mpya na nasubiri kwa hamu kufanya kazi na Louis van Gaal."

Valencia, ambae Ijumaa alicheza Mechi ya Kombe la Dunia wakati Nchi yake Ecuador inaifunga Honduras 2-1 huko Brazil, aliongeza: “Muda wangu na Manchester United umekuwa kama ndoto. Kuwa Mchezaji wa kwanza kutoka Ecuador kutwaa Ubingwa wa Ligi Kuu England ni kitu cha fahari kwangu na Nchi yangu.”

Pia Valencia alisema: “Timu ina ari kubwa na wote tuna nia kubwa kurudi na kushinda kila kitu!”