LIVE TOKA Zanzibar Ulinzi mkali kwa kisubiriwa matokeo ambayo yatatangazwa muda wowote kuanzia hivi sasa

Image captionMatokeo ya uchaguzi wa marudio yanatarajiwa kuanza kutolewa leo

Ulinzi umeimarishwa katika ukumbi ambao matokeo ya uchaguzi mkuu wa marudio visiwani Zanzibar yatatangazwa.

Mbwa wa ulinzi pia wametumika kukagua eneo hilo, ambalo mwenyekiti wa Tume ya Uchaguzi Zanzibar Selim Jecha Selim anatarajiwa kutumia kutangaza matokeo baadaye leo.

Tume hiyo bado haijasema ni saa ngapi matokeo ya kwanza yataanza kutangazwa Ingawa leo jioni kuna dalili zote kuwa matokeo yatatangazwa

Mwenyekiti huyo alitupiwa lawama nyingi na upinzani kwa kufuta matokeo ya uchaguzi wa Oktoba 25.

•  

Licha ya kususia uchaguzi huu wa marejeo na kusema kuwa si halali, bado chama cha wananchi CUF kiliwekwa katika orodha ya washiriki katika zoezi hilo lililofanyika jana.

CUF Kiliuelezea uchaguzi huo kuwa ni batili.

Image captionUkumbi utakaotumiwa kutangazia matokeo

Idadi ya waliojitokeza kushiriki uchaguzi huo wa Jumapili ilikuwa ndogo.

Zanzibar ina jumla ya wapiga kura 503,860 waliojiandikisha kupiga kura, kwa mujibu wa Tume ya Uchaguzi Zanzibar.

Kulikuwa na wagombea 14 kwenye karatasi za kura za kumchagua rais. Majina yao ndiyo haya:

1	Khamis Iddi Lila	ACT-W
2	Juma Ali Khatib	ADA-TADEA
3	Hamad Rashid Mohamed	ADC
4	Said Soud Said	AFP
5	Ali Khatib Ali	CCK
6	Ali Mohamed Shein	CCM
7	Mohammed Massoud Rashid	CHAUMMA
8	Seif Sharif Hamad	CUF
9	Taibu Mussa Juma	DM
10	Abdalla Kombo Khamis	DP
11	Kassim Bakar Aly	JAHAZI
12	Seif Ali Iddi	NRA
13	Issa Mohammed Zonga	SAU
14	Hafidh Hassan Suleiman	TLP