REAL MADRID YACHAPWA 2-1 NA ATLETICO MADRID NYUMBANI BRNABEU,

Pamoja na Real Madrid kuwa na kikosi ghali, watani wao Atletico Madrid wameendeleza ubabe dhidi yao baada ya leo kuwachapa mabao 2-1 wakiwa kwao Santiago Bernabeu

Licha ya kucheza bila ya kocha wake, Diego Semone, Atletico ilionyesha soka safi na Thiago na Arda ndiyo walifunga mabao hayo mawili huku lile la kufutia machozi likipachikwa na Ronaldo.

Kipindi cha pili kilionekana zaidi kuwa cha wageni na wangekuwa makini wangeweza kupata mabao mengi zaidi.

Licha ya kujaza vijana wengi mbele kama James Rodrigues, Isco na Javier Harnandez, Madrid haikufua dafu kwa Atletico ambayo katika mechi ya Super Cup pia iliwatwanga.

Mechi ya leo ya La Liga ni ya pili kwa Madrid kupoteza, hali inayomuweka kwenye wakati mgumu kocha wake Carlo Ancelotti.

Vikosi vya leo ni kama ifuatavyo.

MADRID: Casillas; Arbeloa, Ramos, Pepe, Coentrao; Kroos, Modric, James Rodríguez; Bale, Cristiano, Benzema.

ATLETICO MADRID: Moyá; Juanfran, Godín, Miranda, Siqueira; Gabi, Tiago, Koke, Raúl García; Raúl Jiménez, Mandzukic.