LIVERPOOL IKIPIGWA NYUMBANI NA ASTON VILLA BAO 1-0 ANGALIA MATOKEO YOTE YA EPL

BAO pekee la Gabby Agbonlahor dakika ya tisa siku tatu tangu asaini Mkataba mpya wa miaka minne, limeipa Aston Villa ushindi wa 1-0 ugenini dhidi ya Liverpool Uwanja wa Anfield jioni ya leo.
Hicho kinakuwa kipigo cha pili msimu huu kwa Liverpool, baada ya awali kufungwa mabao 3-1 na Manchester City Uwanja wa Etihad.
Mshambuliaji mpya, Mario Balotelli aliyesajiliwa kwa Pauni Milioni 16 kutoka AC Milan, alichezea kwa mara ya kwanza Liverpool lakini hakuweza kuiepusha na kipigo hicho.
Kikosi cha Liverpool kilikuwa: Mignolet, Manquillo, Lovren, Sakho, Moreno, Gerrard, Henderson, Markovic/Borini dk71, Coutinho, Lallana/Sterling dk61 na Balotelli/Lambert dk71.
Aston Villa: Guzan, Hutton, Senderos, Baker, Cissokho, Cleverley/Sanchez dk86, Westwood, Delph, Agbonlahor/Bent dk90, Weimann/N'Zogbia dk72 na Richardson.

Mwanzo magumu; Mshambuliaji mpya wa Liverpool, Mario Balotelli akimtoka beki wa Aston Villa leo Uwanja wa Anfield. Liverpool ililala 1-0

SUNDERLAND YATOKA 2-2 NA SPURS

Santiago Vergini akimvuta jezi Mousa Dembele wakati wa mechi ya Ligi Kuu ya England kati ya Sunderland na Tottenham Hotspur. Timu hizo zilitoka 2-2 Uwanja wa Light, mabao ya Sunderland yakifungwa na Adam Johnson na Harry Kane aliyejifunga, wakati ya Spurs yamefungwa na Nacer Chadli na Christian Eriksen.  

LUKAKU AFUNGA BAO LA KWANZA LA MSIMU EVERTON IKIUA 2-0

La kwanza la msimu; Mshambuliaji wa Everton, Romelu Lukaku akifumua shuti kufunga katika ushindi wa 2-0 dhidi ya West Bromwich Albion leo katika Ligi Kuu ya England. Hilo ni bao la kwanza la Lukaku msimu huu, baada ya kusajiliwa moja kwa moja na kocha Roberto Martinez kutoka Chelsea kufuatia kuichezea kwa mkopo timu hiyo msimu uliopita. Bao lingine la Everton lilifungwa na Kevin Mirallas.

NEWCASTLE YAKUNG'UTWA 4-0 NA SOUTHAMPTON

Mchezaji wa Newcastle United, Moussa Sissoko (kulia) akipambana na mchezaji wa Southampton, Morgan Schneiderlin (kushoto) katika mchezo wa Ligi Kuu ya England Uwanja wa St Mary's. Newcastle imechapwa 4-0.

  

BPL-LIGI KUU ENGLAND

MATOKEO:

Jumamosi Septemba 13

Arsenal 2 Man City 2

Chelsea 4 Swansea 2

Crystal Palace 0 Burnley 0

Southampton 4 Newcastle 0

Stoke 0 Leicester 1

Sunderland 2 Tottenham 2

West Brom 0 Everton 2

Liverpool 1 Aston Villa 0

Jumapili Septemba 14

1800 Man United v QPR

Jumatatu Septemba 15

2200 Hull v West Ham

MSIMAMO:

NAFASI	TIMU	P	GD	PTS
1	Chelsea	4	9	12
2	Aston Villa	4	3	10
3	Swansea	4	3	9
4	Southampton	4	5	7
5	Man City	4	3	7
6	Tottenham	4	2	7
7	Liverpool	4	1	6
8	Arsenal	4	1	6
9	Everton	4	-1	5
10	Leicester	4	-1	5
11	Hull	3	0	4
12	Stoke	4	-1	4
13	Sunderland	4	-1	3
14	West Ham	3	-1	3
15	QPR	3	-4	3
16	Man United	3	-1	2
17	Crystal Palace	4	-3	2
18	Burnley	4	-3	2
19	West Brom	4	-5	2
20	Newcastle	4	-6	2