NEY WA MITEGO AACHIA VIDEO MPYA YA SALAM ZAO

MSANII mahiri wa Hip Hop nchini, Emmanuel Elibariki ‘Ney wa Mitego’ anatarajiwa kuachia video ya kazi yake mpya inayokwenda kwa jina la ‘Salamu Zao’ wiki ijayo. ‘ Salamu Zao’ ni kazi ya Ney wa Mitego ambayo inafanya vizuri katika soko la muziki, kwa kuburudisha na kuelimisha wapenzi na mashabiki wa msanii huyo. Akizungumza na Tanzania Daima jijini Dar es Salaam juzi, Ney wa Mitego, alisema video ya ngoma hiyo inatarajiwa kuanza kusambazwa wiki ijayo na kwa hivi sasa anaendelea kupiga picha mbalimbali kwa ajili ya video hiyo. “Nimeanza ‘kushuti’ katika sehemu mbalimbali, mashabiki wanatakiwa kuipokea vizuri video hii, kwani ni bonge la kazi, kama wanavyonijua mashabiki wangu, sijawahi kufanya vibaya katika kazi zangu, naomba tu wakae mkao wa kula kwa ajili ya ngoma hii,” alisema Ney wa Mitego. Ney wa Mitego alibainisha kuwa ameamua kufanya kazi hiyo kwa lengo la kuwaburudisha na kuwaelimisha wapenzi wa kazi zake. na Hosea Joseph