HAZARD KWENDA REAL: MOURINHO AMVAA KOCHA WA BELGIUM!

бесплатные аудиокниги

Jose Mourinho amemponda Marc Wilmots kuhusu madai yake kwamba Eden Hazard ataondoka Chelsea na kuhamia Real Madrid

Msimu uliopita Hazard, ambae ni Mchezaji wa Kimataifa wa Belgium, alitunukiwa Tuzo ya PFA pamoja na ile ya Wanahabari ya kuwa Mchezaji Bora wa Mwaka huko England lakini Msimu huu uchezaji wake umeporomoka.

Wiki iliyopita Mourinho alimpiga Benchi Hazard wakati Chelsea inaifunga Aston Villa 2-0 kwenye Ligi kwa madai kuwa anataka kuzuia Timu yake isiruhusu Mabao.

Magazeti kadhaa huko England yalimnukuu Marc Wilmots, ambae ni Kocha wa Timu ya Taifa ya Belgium, akisema Hazard, mwenye Miaka 24, anapaswa kuhamia Real Madrid ilia pate uhuru zaidi wa kucheza na pia kukwepa sulubu nzito ya Soka la England.

Maneno hayo yamemkasirisha Mourinho ambae amesema: "Kocha wa Timu ya Taifa ni wa Taifa. Hazard akiwa Timu ya Taifa mimi sisemi lolote. Lakini Watu wengine hawana maadili na wanazungumzia Wachezaji wakiwa Klabuni kwao!”

Alipoulizwa kama Hazard atacheza hii Leo dhidi ya West Ham, Mourinho alijibu: “Sijui. Kuna Watu wengi wanatoa maoni yao kuhusu uchezaji wa Hazard Msimu huu. Mimi sipendi kuzungumzia Mtu binafsi.”

LIGI KUU ENGLAND

RATIBA:

**Saa za Bongo

Jumamosi Oktoba 24

1700 Aston Villa v Swansea            

1700 Leicester v Crystal Palace               

1700 Norwich v West Brom             

1700 Stoke v Watford            

1700 West Ham v Chelsea     

1930 Arsenal v Everton          

Jumapili Oktoba 25

1500 Sunderland v Newcastle                  

1705 Bournemouth v Tottenham              

1705 Man United v Man City           

1915 Liverpool v Southampton