SHEREHE ZA WANAMICHEZO KUMUAGA RAIS KIKWETE USIKU WA KUAMKIA LEO MLIMANI CITY ~ Mbeya Greennews

Monday, 12 October 2015

SHEREHE ZA WANAMICHEZO KUMUAGA RAIS KIKWETE USIKU WA KUAMKIA LEO MLIMANI CITY

Rais wa Jamhuri ya Muungano wa Tanzania, Dk Jakaya Mrisho Kikwete (katikati) akipokea zawadi ya jezi na mpira kutoka kwa Nahodha wa timu ya soka ya taifa ya Tanzania, Taifa Stars katika sherehe za kumuaga akielekea kumaliza muda wake wa miaka 10 madarakani mwishoni mwa mwezi huu, zilizoandaliwa na Chama cha Waandishi wa Habari wa Michezo Tanzania (TASWA) na kufanyika ukumbi wa Mlimani City, Dar es Salaam. Rais Kikwete pia alitoa tuzo kwa Wanamichezo 10 waliofanya vizuri katika utawala wake.

Rais Kikwete akipokea tuzo maalum ya mchango wake mkubwa katika sekta ya michezo katika kipindi cha miaka yake 10 ya utawala wake, kutoka kwa Mwenytki wa TASWA, Juma Abbas Pinto (kulia). Kulia kabisa ni Mwenyekiti wa Baraza la Michezo la Taifa (BMT), Dioniz Malinzi na kushoto ni Waziri wa Habari Vijana Utamaduni na Michezo Dk. Fenella Mukangara

Rais Kikwete akimkabidhi tuzo kocha Charles Boniface Mkwasa kwa kuiwezesha timu ya soka ya taifa ya wanawake kushiriki Fainali za Mataifa ya Afrika. Mkwasa kwa sasa ni kocha wa timu ya wanaume, Taifa Stars

Rais Kikwete akimkabidhi tuzo bondia, Francis Cheka kwa kutwaa ubingwa wa dunia wa WBF

Rais Kikwete akimkabidhi tuzo Dioniz Malinzi kwa kujenga Uwanja wa Gofu wilaya ya Misenyi mkoani Kagera

Rais Kikwete akimkabidhi tuzo aliyekuwa Rais wa Shirikisho la Soka Tanzania (TFF), kwa kujenga mfumo bora wa utawala ndani ya shirikisho hilo

Rais Kikwete akimkabidhi tuzo Mtangazaji nguli, Abdallah Majura kwa kuanzisha kituo chake cha Radio

Rais Kikwete akimkabidhi tuzo Meneja Mkuu wa makampuni ya Bakhresa Group, Sheikh Said Muhammad kutokana na mchango mkubwa wa kampuni hiyo katika soka

Rais wa sasa wa TFF, Jamal Malinzi akimkabidhi Ngao Rais Kikwete

Mfanyabishara Farough Baghozah (kulia) akiwa na Mkurugenzi wa Mawasiliano wa Ikulu, Salva Rweyemamu (kushoto)

Hatimaye lile tukio la utolewaji wa Tuzo za chama cha waandishi wa habari za michezoTanzania (TASWA) ambazo hutolewa kila mwaka kwa wanamichezo wanaofanya vizuri, zimekamilika usiku wa October 12 kwa wanamichezo, taasisi na viongozi waliofanya vizuri katika kipindi cha miaka 10, Tuzo hizo safari hii zimekuwa tofauti na miaka yote kwani waliopewa Tuzo ni wale waliofanya vizuri katika kipindi cha miaka kumi.

Shadrack Nsajigwa akipokea Tuzo kwa niaba ya timu iliyofanya vizuri katika mashindano ya CHAN

Tuzo hizo ambazo zilikuwa maalumu mwaka huu, kwani zimetumika kumuaga RaisKikwete kwa kumaliza muda wake madarakani na kuheshimu mchango wake katika kuinua michezo nchini katika kipindi cha utawala wake. Ikumbukwe kuwa Tuzo hizo ziligawanyika katika vipengele vinne, Taasisi iliyochangia kuinua michezo katika kipindi cha miaka kumi Tuzo 5.

Francis Cheka akipokea Tuzo yake

Tuzo zimetolewa kwa wanamichezo waliofanya vizuri katika kipindi cha miaka kumi, viongozi waliochangia kuinua michezo katika kipindi cha miaka kumi Tuzo 5 na Tuzo ya heshima kwa Mh Rais Jakaya Mrisho Kikwete kwa kuheshimu mchango wake katika kuinua michezo wakati wa utawala wake, baadhi ya waliopewa Tuzo usiku wa October 12 ni Francis Cheka, Mbwana Samatta, Iddi Kipingu, Abdallah Majura na Hashim Thabiti

Mama yake Hashim Thabiti akichukua Tuzo kwa niaba ya Hashim

Charles Mkwasa akichukua Tuzo ya Twiga Stars kwa kufanya vizuri katika kipindi cha miaka 10.

Wawakilishi wa Mbwana Samatta wakichukua Tuzo kwa niaba yake

Kanali Iddi Kipingu akipokea Tuzo yake ya heshima kwa kusaidia kuinua michezo kwa muda mrefu toka yupo shule ya Makongo

Rais Kikwete akimkabidhi tuzo Dioniz Malinzi kwa kujenga Uwanja wa Gofu Misenyi mkoani Kagera

Rais wa zamani wa TFF Leodger Tenga kapata Tuzo ya kiongozi bora katika kuinua michezo

Abdallah Majura akikabidhiwa Tuzo ya heshima katika kuinua michezo sasa kafungua kituo cha Radio kinachojihusisha na michezo.

Mzee Said akipokea Tuzo ya Taasisi iliyochangia kuinua michezo nchini Azam SSB

Mwenyekiti wa TASWA Juma Pinto akimkabidhi Rais Kikwete Tuzo ya heshima akiwa pamoja na mkuu wa mkoa Dar Es Salaam Meki Sadiki, waziri wa michezo Dk Fenella Mukangara na Dioniz Malinzi.