TIMOTHY FOSU-MENSAH, Kijana wa Miaka 18 Raia wa Holland mwenye asili ya Ghana, Jana alidhihirisha yeye ni nguzo mpya ya Vigogo wa England Manchester United.
Wachambuzi huko England wamedai Kijana huyo, akianza Mechi yake ya pili tu kwa Man United, ndie alikuwa Nyota pekee alieng'ara walipochapwa 3-0 na Spurs huko White Hart Lane kwenye ya Ligi Kuu England.
Fosu-Mensah alicheza kama Fulbeki wa Kulia na kulazimika kutoka katika Dakika ya 68 na nafasi yake kuchukuliwa na Mchezaji wa Kimataifa wa Italy Matteo Darmian.
Ndani ya Dakika 8 tangu Fosu-Mensah atoke Spurs walitumia uchochoro wa Fulbeki ya Kulia na kupiga Bao zao 3 za Dakika za 70, 74 na 76 kupitia Dele Alli, Toby Alderweireld na Erik Lamela.
Wachambuzi huko England pia wamedai ile falsafa na mtindo wa Meneja Louis van Gaal kuwatumia Wachezaji nje ya nafasi zao za asili pia kunachangia mno kuifungisha Man United.
Mbali ya kawaida ya kumchezesha Daley Blind kama Sentahafu wakati asilia ni Fulbeki na Marcos Rojo kutumika kama Fulbeki wakati asilia ni Sentahafu, Jana Van Gaal alistaajabisha kwa kumtumia Winga Ashley Young kama Sentafowadi wakati Sentafowadi wa asili na hatari Anthony Martial akicheza Winga.
Huko nyuma Young ameshawahi kuchezeshwa na Van Gaal kama Fulbeki na Kiungo wa kati.
Wachambuzi hao hao wanadai huenda Van Gaal akatupwa nje ya Old Trafford Jumatano ikiwa Man United itafungwa na kutupwa nje ya FA CUP itakaporudiana na West Ham baada ya kutoka 1-1 kwenye Mechi ya kwanza huko Old Trafford.
Mshindi wa Mechi hii atatinga Nusu Fainali ya FA CUP na kuivaa Everton huko Wembley.
0 comments:
Post a Comment