Manchester City yabadilisha nembo ya timu Kwa mara ya tatu

 

Na Rabi Hume,  

Klabu ya Manchester City ya Uingereza imefanya mabadiliko ya nembo iliyokuwa ikitumiwa na timu hiyo na sasa kuanza kutumia nembo mpya.

Nembo hiyo ambayo inaonekana kuwa na mabadiliko tofauti na ile ya awali inatarajiwa kuzinduliwa katika mchezo wao wa Jumamosi, Disemba 26 siku ya kufungua zawadi “Boxing Day” katika mchezo wa Ligi Kuu ya Uingereza dhidi ya Sunderland katika uwanja wa Etihad.

Kwa mujibu wa Manchester City nembo hiyo ilikuwa imekamilika Disemba 22 na walikuwa wakimalizia taratibu za mwisho ikiwepo kupata haki miliki.

Hii inakuwa mara ya tatu ya klabu hiyo kubadili nembo ya timu hiyo ambapo waliwahi kubadili 1930s, 1997 na mwaka huu.