EDEN HAZARD KUPEWA DILI MPYA CHELSEA!

 

FOWADI wa Chelsea Eden Hazard atasaini Mkataba mpya ndani ya Mwezi mmoja na hilo litamfanya aendelee juu zaidi na kuwa mmoja wa Wachezaji Bora wa Kizazi chake kwa mujibu wa Meneja wa Klabu hiyo Jose Mourinho.

Akiongea kwenye Mahojiano na Wanahabari kabla ya Jumatano kuanza kucheza Mechi ya Kundi G la UEFA CHAMPIONZ LIGI, UCL, Uwanjani Stamford Bridge na Schalke ya Germany, Mourinho amesema Mchezaji huyo wa Kimataifa wa Belgium, mwenye Miaka 23 na ambae alijiunga na Chelsea Mwaka 2012 kutoka Lille ya France, anaona Klabu hiyo ndio sehemu ya maisha yake ya baadae.

Mourinho alitamka: “Ni kitu cha kusubiri kidogo lakini tutapata Mkataba mpya.”

Hazard, ambae alinunuliwa kwa Dau la Pauni Milioni 32, amebakisha Miaka Mitatu kwenye Mkataba wake wa sasa.

Licha ya kumsifia Mchezaji huyo, Msimu uliopita Mourinho alimponda sana kwa kutojali kuchangia ulinzi wakati Chelsea inatolewa nje ya UCL na Atletico Madrid.

Lakini hivi sasa Mourinho amekiri Hazard amefanya bidii mno kukuza uchezaji wake ikiwemo sehemu yake ya kuchangia ulinzi Uwanjani.

Mbali ya Schalke, Chelsea pia watakumbana na NK Maribor na Sporting Lisbon kwenye Kundi G la UCL.

UEFA CHAMPIONZ LIGI

MAKUNDI

RATIBA

Jumatano Septemba 17

 Mechi zote kuanza Saa 3 Dakika 45 Usiku isipokuwa inapotajwa

KUNDI E

Bayern Munich VS Man City

AS Roma VS CSKA Moscow

KUNDI F

Ajax VS Paris St-Germain

Barcelona VS APOEL Nicosia

KUNDI G

Chelsea VS FC Schalke 04

NK Maribor VS Sporting Lisbon

KUNDI H

Athletic Bilbao VS Shakhtar Donetsk

FC Porto VS BATE Borisovs